Allur | Jetour флагмандық автоорталығы әлемдегі ең үздік сатудан кейінгі қызмет көрсету орталығы болып танылды

Астана қаласында Айтматов көшесі, 45 мекенжайында орналасқан Allur | Jetour Дилерлік орталығы Jetour International штаб-пәтері жүргізген алғашқы сервис аудитінің нәтижесі бойынша 92,5% көрсеткішке ие болып, әлемдегі барлық Jetour автоорталықтарының ішінен ең үздігі атанды. Айта кететін жайт, бұл жоғары баға рұқсат етілген 90%-дан асып түсіп, Сервис сапасы мен сатудан кейінгі қызмет көрсету деңгейінің жоғары екенін дәлелдейді.

Сервис жұмысына жүргізілген кешенді аудит көптеген параметрлер бойынша бағаланды: көлік қабылдауға дайындық деңгейінен бастап, NPC және CSI көрсеткіштеріне дейін (Клиенттердің Сервис орталығын ұсынуға дайын болуы және көрсетілген қызмет сапасына қанағаттануы). Сондай-ақ, аудит барысында клиенттік тәжірибе мен қосымша жайлылықтар, мысалы, жайлы күту аймағы, тегін кофе мен шай ұсыну және тағы басқа мүмкіндіктер де ескерілді.

Allur | Jetour флагмандық автоорталығының Бас директоры Артём Вязовик:

«Біздің Сервис тобы – өз ісінің маманы болған 22 кәсіби қызметкер Jetour маркасымен қатар барлық қытайлық автокөліктерге де қызмет көрсетеді. Біз ашылғанымызға бар болғаны 3 ай болды, алайда көрсеткіштерімізді тұрақты түрде жақсартып, клиенттеріміз үшін қосымша қызмет түрлерін енгізіп келеміз. 30 минуттық жедел Сервис жүйесін іске қостық – мұнда бір көлікте бір мезетте екі механик жұмыс істейді. Алда одан да биік мақсаттар қойып, серіктестермен ынтымақтастықты кеңейтуге ниеттіміз».