Allur еңбек ұжымы Қазақстан Республикасының жаңа Конституциясы бойынша реформаларды және референдум өткізуді қолдайды

Кездесуге зауыттың 200-ден астам қызметкері – жұмысшылар, инженерлер, шеберлер мен мамандар қатысты. Олар күн сайын заманауи машина жасау өндірісін қалыптастырып, елдің өнеркәсіптік болашағын құруда.

Ұжымға сөз сөйлеген Андрей Лаврентьев жаңа Конституцияның негізгі құндылықтарды — заң мен тәртіпті, еңбек адамына құрметті, адам қадір-қасиетін қорғауды және адам өмірі мен құқықтарын ең жоғары құндылық ретінде тануды бейнелейтінін атап өтті.

«Біз жаңа Конституцияны қолдаймыз, оның басты назарында адам — оның өмірі, еңбегі, ар-намысы мен қадір-қасиеті тұр. Күшті мемлекет әділ ережелер бар жерде, заң баршаға ортақ міндетті болғанда және еңбек адамы құрметті, қорғалған әрі болашағына сенімді болғанда қалыптасады», — деді Андрей Лаврентьев.

Кездесу барысында Allur зауытының директоры Арғұлан Майконов та сөз сөйлеп, кәсіпорынның еңбек ұжымының ұстанымын білдірді.

«Біз өндіріс саласының өкілдеріміз және нәтижеге тек еңбек адамына құрмет бар жерде ғана қол жеткізуге болатынын жақсы түсінеміз. Жеке өз атымнан және Allur ұжымы атынан айтарым — біз президенттік реформаларды және жаңа Конституцияны қолдаймыз. Біз әділдік үшін, даму үшін, еліміздің болашағы үшін, өз болашағымыз үшін! Біз әрі қарай да адамдар мен Қазақстан игілігі үшін адал еңбек етеміз», — деді А. Майконов.

Өнеркәсіп қызметкерлері үшін Конституцияның маңызы зор практикалық мәнге ие. Негізгі заң өндірісті дамытуға, қызметкерлердің құқықтарын қорғауға, әділдікті қамтамасыз етуге және экономиканың ұзақ мерзімді тұрақтылығына қажетті тұрақты құқықтық негіз қалыптастырады.

Бүгінде Allur зауыты Қазақстанның нақты индустриялық дамуының үлгісі болып табылады. Мұнда өндірісті жергіліктендіру, заманауи технологияларды енгізу және адами капиталды дамыту бойынша ауқымды жобалар жүзеге асырылуда. Қызметкерлерді оқытуға, олардың біліктілігін арттыруға және кәсіби өсуіне жағдай жасауға ерекше көңіл бөлінеді.

Allur еңбек ұжымы жүргізіліп жатқан реформаларды және жалпыхалықтық референдум өткізуді қолдайтынын білдіріп, оған қатысуды азаматтық жауапкершіліктің көрінісі әрі құқықтық мемлекетті нығайтуға қосқан үлес ретінде қарастыратынын атап өтті.

Жаңа Конституцияны қолдаймыз!