Jetour Allur Айтматовтағы жаңа орталығының ашылуы

 Автокөлік бренді деректеріне сәйкес, 2025 жылдың шілдесіне қарай жаһандық сатылым көлемі 1,82 миллионнан астам автомобильді құрады, ал брендтің желісі 90-нан астам елде 2000-нан астам сату және қызмет көрсету нүктесін қамтиды.
Jetour компаниясы Қазақстанды ТМД елдері арасындағы негізгі даму нарықтарының бірі ретінде қарастырады. 2025 жылдың алғашқы жартыжылдығының қорытындысы бойынша, Jetour елімізде қытайлық автомобиль брендтері арасында сатылым бойынша бірінші орынды иеленіп, өткен жылмен салыстырғанда көрсеткішін 125% арттырды.
Осы көктемде Қостанайда Jetour X70 Plus моделінің шағын торапты құрастыру форматы бойынша сериялық өндірісі іске қосылды — Allur зауытында дәнекерлеу, тегістеу, бояу және компоненттерді орнату жұмыстары жүргізіледі.

«Қазақстан Jetour-дың ТМД нарығындағы дамуына айтарлықтай үлес қосып келеді. Астанадағы жаңа орталық — әлемдегі брендтің ең ірі салондарының бірі және ол өңірдегі сату мен сервистік қызмет көрсетуді кеңейтуге мүмкіндік береді. Біз Allur компаниясымен бірлесе отырып, жергілікті өндіріс жобаларын дамытуды және клиенттерге қызмет көрсетудің сапасын арттыруды жалғастырамыз», — деді Jetour бас директордың орынбасары Кэ Чуанден.

Астанадағы жаңа дилерлік орталық 3S форматы бойынша (Sales, Service, Spare parts) салынған — яғни, мұнда автокөліктерді сату, қосалқы бөлшектермен қамтамасыз ету және техникалық қызмет көрсету сияқты барлық негізгі функциялар біріктірілген.
Сату аймағында клиенттер көлік таңдап, сатып ала алады, сондай-ақ Allur Finance менеджерлерінен «бір терезе» форматында автонесиелеу бойынша кеңес алып, серіктес банктерден ең тиімді шарттарды таңдай алады.
Сервистік аймақ 12 қызмет көрсету бекетін қамтиды және барлық қажетті жабдықтармен қамтамасыз етілген.
Ғимараттың жалпы ауданы 3 038 м², ал аумақ көлемі 1,04 гектар.

Орталықтың ерекшеліктерінің бірі – тікелей қабылдау жүйесі. Бұл форматта клиент көлігін маманмен бірге қарап, ағымдағы жағдайын тіркейді және бірден қажетті жұмыстар тізімін келіседі. Мұндай тәсіл қызмет көрсету уақытын қысқартып, процестің ашықтығын арттырады.

Жаңа Jetour дилерлік орталығы Астанада Айтматов көшесі, 45 мекенжайында орналасқан. Автосалон күн сайын 09:00-ден 20:00-ге дейін ашық.