Астанада «Jas Keñes Sıylığı» жастар марапатының жеңімпаздары жарияланды.

Жеңімпаздардың қатарында біздің әріптесіміз, Allur компаниясының қызметкері Нұрбол Сапабек бар. Ол «Алтын қол» номинациясында жоғары марапатқа ие болды.

«Jas Keñes Sıylığı» сыйлығы медицина мен білімнен бастап, өнеркәсіп, IT және креативті индустрияларға дейінгі 10 негізгі бағытты қамтиды. Биыл бұл марапатқа елдің түкпір-түкпірінен мыңнан астам қатысушы үміткер болды. Нұрбол үздік жиырмалықтың қатарына еніп, 1 миллион теңге көлеміндегі ақшалай сыйақымен марапатталды.

Нұрбол Allur зауытындағы еңбек жолын 2014 жылы слесарь болып бастаған. Қазір ол автожинау цехындағы жабдықтарды жөндеу және қызмет көрсету учаскесінің басшысы. 11 жыл ішінде ол жұмысшыдан жетекшіге дейінгі барлық сатылардан өтті.

Қазақстан Республикасы Президентінің Жарлығымен 2025 жыл Еңбек мамандықтары жылы болып жарияланды. Бұл жеңіс елдің өнеркәсібі мен экономикасының негізін құрайтын мыңдаған мамандардың еңбегіне деген құрметтің белгісі болып табылады.

Нұрболды шын жүректен құттықтаймыз! Оған кәсіби жолында табыс, жаңа жетістіктер және сарқылмас шабыт тілейміз!